Yoshlar bilan o‘tkazgan tadqiqotimizda bir qarashga duch keldik: ko‘pchilik muvaffaqiyatni ta’limdan ko‘ra «tanka», diplom, chet elga ketish yoki boylikning tashqi belgilari bilan bog‘lardi.

Biz shu qarashlarni savolga aylantirdik: «Najot — diplomda?», «Najot — “tanka”da?», «Najot — surishda?», «Najot — dang‘illama to‘yda?»

Kampaniyaning birinchi bosqichida bu savollar bannerlarda brend nomisiz paydo bo‘ldi. Odamlarni to‘xtab, o‘zlari ishonadigan «muvaffaqiyat yo‘li» haqida o‘ylab ko‘rishga undadik.

Ikkinchi bosqichda esa savollarga javob berdik: bannerlardagi taxminlar ustidan chizilib, o‘rniga «TA’LIMDA» yozuvi tushdi. Najot Ta’lim nomi ham shu paytda ochildi.

Shu tariqa «Najot — ta’limda» degan fikrni brend nomi bilan bog‘ladik.